O’zbekiston Futbol Federatsiyasi Yevropa futbol uyushmasiga qo’shilishga ahd qildi, deb xabar beradi liga.net
Federatsiya
prezidenti Mirabror Usmanovning so’zlariga ko’ra O’zbekiston terma
jamoasi besh yil oldin Qozog’iston bu ishni amalga oshirgani kabi
yevropaliklar safiga kirib borib kuchli jamoalar bilan kuch sinashishi
lozim.
“Jahon chempionati final bosqichiga chiqib Saudiya Arabistoni kabi
yirik hisobda mag’lubiyatga uchragandan nima naf? UEFAga kirish oson
emas albatta va har yili saralash o’yinlari bo’lsin kuchli jamoalar
bilan o’yinlar o’tkaziladi. Agarda yevropa mintaqasidan jahon
chempionatiga chiqolsak, yirik mag’lubiyatlarga uchramaymiz”, - deb
keltiradi Usmanovning so’zlarini CA-news.
Eslatib o’tamiz, oldinroq mamlakat rahbariyati mahalliy klublarga
yuqori darajali legionerlarni taklif etish uchun yirik mablag’lar sarf
etilishini ta’kidlagandi. Bu borada “Bunyodkor” klubi braziliyalik
Rivaldo bilan kelishuvga erishdi, undan tashqari “Barselona”
futbolchilari ishtirokida master-klass o’tkazildi.
