28 fevral 2002 yil yangi Yevropa valyutasi - yevro bir vaqtning o'zida frank, marka, gulden, draxm, peset, eskudo kabi valyutalar o'rnini egalladi. Yevropa integratsiyasida yangi lahzalar boshlandi.
1999 yildan yevro naqd pulsiz bank va moliyaviy operatsiyalarda qo'llanila boshlangan. 1 yanvar 2002 yildan iqtisodiy va valyuta ittifoqini tashkil qilgan 12 ta Yevropa davlatlarida yevro naqd pul muomalasiga kiritildi. 28 fevral 2002 yil milliy valyutalarning parallel muomalada bo'lishi to'xtatildi va Avstriya, Belgiya, Finlandiya, Germaniya, Gretsiya, Italiya, Lyuksemburg, Portugaliya, Ispaniyada yevro ishlay boshladi. Fransiyada 17.02.02 dan, Irlandiyada 9.02.02 dan, Niderlandiyada esa 28.01.02 dan milliy valyutalar bilan parallel muomala to'xtatilgan.
"Yevro" atamasi 1995 yil dekabrda Madridda o'tkazilgan Yevropa Kengashi majlisida qabul qilingan. Grek harfi «€» esa yevro belgisi sifatida qo'llaniladi.
|